Indoda yenzakalise abantu abathathu ngokuqhuba imoto yayo kwinginginya yabantu kwindawo yesikwere kumbindi wedolophu yaseJamani iHeidelberg, njengoko amapolisa ekhaba uqikelelo lokuba esi sehlo sinokuba sesobugrogrisi.
Amapolisa athi ngoMgqibelo amapolisa akwazile ukulandela umrhanelwa aze amdubula emva kokuba ebalekile kwindawo ebekuhlaselo kuyo, okwenzeke ngaphandle kwendawo yokubhaka izonka emva kwemini.
Isithethi samapolisa uAnne Baas uthi omnye wabo bonzakeleyo ukwimeko emaxongo. Esinye isithethi samapolisa uNorbert Schaetzle uthi le ndoda kuxelwe ukuba ibisebenzisa imoto eqashisayo kwaye ibiphethe imela xa iphuma emotweni.
Emva koko kuye kwavela uqhushululu phambi kokuba amapolisa akwazi ukumbamba umrhanelwa aze amdubule, amajelo eendaba athi emva koko wasiwa esibhedlele. USchaetzle akakhange aziqinisekise kumajelo eendaba ukuba le ndoda iphazamisekile ngokwasengqondweni, kodwa wathi amapolisa akasithathi esi siganeko njengohlaselo lwabanqolobi nanjengoko le ndoda kubonakala ukuba ibiziphethe yodwa.
Kule minyaka mibini idlulileyo, iJamani iye yafumana izihlaselo ezininzi zobunqolobi zombini ukusuka kumaqela ayo asekunene, amaqela esizwe kunye nabantu ekukholelwa ukuba banonxibelelwano neqela labanqolobi iTakfiri Daesh, elizinze eIraq naseSyria.
Bangaphezu kwesigidi abantu abangeniswa eJamani besuka kwimfuduka yeembacu ezaqala ukuhlasela iYurophu ekuqaleni kuka-2015.
Abaninzi bathi iimbacu zibekek' ityala ngokunyuka kwezoyikiso zokhuseleko kwimigaqo-nkqubo yenkululeko kaChancellor waseJamani u-Angela Merkel. Ukugxekwa kunyanzelise uBerlin ukuba ahlaziye iindlela zokwamkela iimbacu, esithi kuphela abo bavela kwimimandla edlakazwe yimfazwe, kubandakanya neSyria, abaya kwamkeleka.
